-003-
-Sonetto-
Prossima est sa notte tenebrosa
Serena,senza frina e silente:
Su Sole ritirandes'a Ponente
Ha saludad'amenu onzi cosa.
De lughe romantica isfarzosa
Tint'est s'Orizzonte dulchemente;
A Levante sa Luna sorridente
Ispuntend'est arcan'e dubbiosa...
Sas primarîas istellas lughentes
Brillande sunt che perlas abbagliantes:
Fiacculas divinas e ferventes...
Sas campanas unidas e festantes
Un'Ave sunt cantende riverentes
Cum divotas armonias costantes...
Bortigali 29-08-1945.