-008-
-o-
"A tie chi adoro ogni momentu
Dedico custu meu cumponimentu."
So'in pena notte e die
Pro ti amare, Luisa mia!
Ma finas chi mortu sia
Deo non lasso a tie!
Die e notte so'vivende
In pena, peus de moro:
A dogni palpitu 'e coro
A tie solu pensende,
A tie solu bramende
De haere in cumpagnia.
So'in pena notte e die
Pro ti amare, Luisa mia!
In cumpagnia frequente
Solamente a tie bramo:
Si m'amas cantu t'amo
Pro ischire siguramente
E pro olvidare de repente
Sa solinga malinconia.
So'in pena notte e die
Pro ti amare, Luisa mia!
Pro olvidare 'e improvisu
Dogni pena,ogni turmentu
Vicinu onzi momentu
Ti bramo,caru acisu!
Ca in'd'unu Paradisu
Vivo cum tegus ebia!
So'in pena notte e die
Pro ti amare, Luisa mia!
Ca unu sublime gosu
M'offeris cum sa presenzia,
Ti amo cum veemenzia,
Cum amore rispettosu;
Chi finas in su riposu
Ti tenzo in bramosia.
So'in pena notte e die
Pro ti amare, Luisa mia!
In sas bramas mias solu
A tie tenzo presente;
Pro cussu amargamente
Piango a disconsolu!
Sempre cum s'oriolu
De sa tua presenzîa.
So'in pena notte e die
Pro ti amare, Luisa mia!
Ahi!m'est fisicu dolore
Tanta pena a supportare!
Proite non poto dare
Eloquenzia a tant'amore
E isfogu a su fervore
De tanta eloquentîa.
So'in pena notte e die
Pro ti amare, Luisa mia!
Cale pudica passione
Su coro m'hat furadu!
Eppuru so' brivadu
De sa cara affezione
Solu cum s'afflizione
De sa tua nostalgia.
So'in pena notte e die
Pro ti amare, Luisa mia!
Ma proite gai pensosa
Solu in oios mi miras?
E lagrimas...e sospiras
Taciturna...e misteriosa!
Ses forzis dubitosa
Chi sinceru non ti sia?
So'in pena notte e die
Pro ti amare, Luisa mia!
Ma proite gai ti paras
E mirende solu isclamas?
Esplica si mi amas
Cum sas timoratas laras,
E pius tantu avaras
No'sian pro timorîa.
So'in pena notte e die
Pro ti amare, Luisa mia!
No'sian pius ingratas
Si su coro tou cunsentit,
Si s'Anima no'si pentit
Proite goie mi trattas?
Mira ch'in me agatas
Un'Anima fidele e pia.
So'in pena notte e die
Pro ti amare, Luisa mia!
Aiò! non sias tantu
Dubitativa de me!
E pensa chi pro te
So vivende affrantu:
In'd'unu mare 'e piantu
Priv''e ogni allegria.
So'in pena notte e die
Pro ti amare, Luisa mia!
Pro finis in penas sò
In dolores,in affannos!
E si dolores pius mannos
Amendedi ancora prò,
Deo no' ti lasso nò
Finas'ultima agonia.
So'in pena notte e die
Pro ti amare, Luisa mia!
E si pensas'e m'olvidare
Pro mi dare pius fastizos
Ca sun tuos disizos
Mi tia sacrificare:
Tott'a vida a passare
In dolorosa angustia.
So in pena notte e die
Pro ti amare, Luisa mia!
Ma finas chi mortu sia
Deo non lasso a tie!
Il tuo Angelino 4 Gennaio 1948.