-007-
-o-
Ite sorte infida
Pro me tristu tantu odiosa!
Ite pena perfida
Crude1e, proterva e dolorosa!
Ite surdu dolore
Ingrata ricumpensa de amore!
Proite indignada
0 sorte!Sos disignos violentas!
Proite ostinada
O pena!De goie mi turmentas
Est custu su cunfortu
De su meu idolatradu accunortu?
Cando isperai
In s'ambigua 1ograda affezione
Mai custu creia
De mi dare pro cunfortu afflizione!
Ei como, isfortunadu!
Dae penas mi abbizo circundadu !
Cando sa mirada
Amorosa mi desis cum premura,
Pro me ses bistada
Dae tando s'isperanzia futura,
Amendedi veramente
Delliriaia si no' t'idia frequente
inceru ti amesi
Cum tottu sos ardores de sa vida!
Devotu ti adoresi
Che Santa pro me solu apparida!
E ancora ispasimande
In te solu cunfortu sò isperande!
E tue pius crudele
Fatale ti mustras ogni momentu;
Che Parea infidele
Offindemi pro gosu su turmentu;
Senza tenner dolu
De su meu affannosu disconsolu!
In tant'angustia
Ricambias s'affettu meu intemeradu.
Trista anima mia
S'isperanzia terrena ti hat negadu!
Podes como bramare
Sa morte s'est vanu s'isperare!
"O morte in s'istante
Libera dae penas custu coro!
No istes titubante
Cumprende si lacrimante t'imploro!
No mi lessas goie
In agonia tremenda ogni die!"
"0 tumba oscurosa
Decumpone custu coro sufferente...
Poi,terra fecundosa
Coltiva unu fiore solamente......
Unu lizu appassidu
Prima de haer lizos fioridu!"
"Tue, rughe altera
Cust'epigrafe modestu tene incisu:"
"De un'anima sincera
Chi su barbaru destinu hat recisu
Est innoghe riposende
Su coro, ancora amore palpitende!"
E cando in omagiu
Benis a sos mortos a pregare,
Olvida su coraggiu
Ai custa losa pro non ti avvicinare.
In modu chi gai
No mi disturbes su riposu mai!
22 novembre 1946 Gino.