-006-
-o-
Ite pena incrudelida!
Ite barbaru turmentu!
Si moria in su momentu
No’lastimaia sa vida!
Ite crudele angustia
M'addolorat de continu!
Cale protervu destinu
Affliggit sa vida mia!
Pius s'antiga allegria
No’m'est permettida
Proite sorte perfida
Sas gioias m'hat negadu:
Amo e non sò amadu
Ite pena incrudelida!
Cudda Diana amorosa
Chi mi furesit su coro,
Pius l'amo e l'adoro
Pius si mustrat ritrosa:
Issa pena dolorosa
M'offerit pro cuntentu,
Des ogni pensamentu
L'adoro cun veemenzia
Ahi! custa est sufferenzia!
Ite barbaru turmentu!
Si m'est vanu s'isperare
Ohi!proite sò vivende?
Ahi!proite sò amende
Chie mi solet detestare?
Si su coro cumandare
Podiat su sentimentu,
Non pius unu 1amentu
De affannu esplicaia:
Tando, forzis mi pentia
Si moria in su momentu!
Ma su coro ispasimande
Nande paret cun fervore:
"Invasu sò de amore
E pro amare sò palpitande"
Si sa morte sò bramande
Issa m'est aggradessida,
Cherinde esser finida
Sa pena chi so suffrinde,
Cuntentu fia morinde
No’1astimaia sa vida!
20 Novembre 1946
Gino.